विराटनगर । धनुषा नगरपालिका–१२ स्थित हनुमान मन्दिर परिसरमा मृत फेला परेका ४० वर्षीय बन्ठु राउत कडेरीको घटनालाई धार्मिक विवादसँग नजोड्न प्रहरीले आग्रह गरेको छ।
जिल्ला प्रहरी कार्यालय धनुषाका डीएसपी मधुसुदन न्यौपानेले प्रारम्भिक अनुसन्धानअनुसार घटना विशुद्ध आपराधिक प्रकृतिको देखिएको भन्दै धार्मिक रंग नदिन सबैसँग अपिल गरेका छन्। उनले शान्ति र सामाजिक सद्भाव कायम राख्न सहयोग गर्न आग्रह गरेका छन्।
हंसपुर नगरपालिका–३ मल्हेनीयाका बासिन्दा कडेरी बिहीबार राति मन्दिर परिसरमा मृत अवस्थामा फेला परेका थिए।
प्रहरीले तालिमप्राप्त कुकुर परिचालन गरी घटनाको अनुसन्धान गरिरहेको छ भने शव पोस्टमार्टमका लागि जनकपुरस्थित प्रादेशिक अस्पताल पठाइएको छ।
