विराटनगर । शिशुको डाइपरभित्र लुकाएर ल्याइएको खैरो हेरोइनसहित प्रहरीले चार जनालाई पक्राउ गरेको छ।
उनीहरूलाई भद्रपुर नगरपालिका-५ स्थित बसपार्क क्षेत्रबाट पक्राउ गरिएको हो । पक्राउ पर्नेमा भारतको किशनगञ्ज जिल्लाका मोहित आलम, उनकी श्रीमती जेनेतुन खातुन, छोरा सोहेल आलम तथा सोही अटोमा सवार मोहम्मद तजरुल रहेका छन्।
भारतबाट नेपालतर्फ आउँदै गरेको मे १ ह ५०११ नम्बरको अटो शंकास्पद देखिएपछि जाँच गर्दा शिशुले लगाएको डाइपरभित्र राखिएको खैरो हेरोइन फेला परेको हो।
