विराटनगर । बर्डफ्लु सङ्क्रमणका कारण २७ दिन बन्द हुँदा ललितपुरको जावलाखेलस्थित सदर चिडियाखानालाई करिब ३ करोड रुपैयाँ आर्थिक घाटा भएको छ।
असार ५ गतेदेखि बन्द गरिएको चिडियाखाना सङ्क्रमण नियन्त्रणमा आएपछि साउन १ गतेदेखि पुनः सञ्चालनमा आएको हो।
सामान्य अवस्थामा दैनिक हजारौं आगन्तुक आउने चिडियाखानामा पुनः खुलेको पहिलो दिन भने करिब ८ सय जनाले मात्र भ्रमण गरेका छन्।
बर्डफ्लुका कारण यस आर्थिक वर्षको २१ करोड रुपैयाँ आम्दानी गर्ने लक्ष्यमा समेत चुनौती थपिएको चिडियाखानाले जनाएको छ।
