काठमाडौं । भक्तपुरमा आफ्नै छोराको कुटपिटबाट एक महिलाको मृत्यु भएको छ। मृत्यु हुनेमा उदयपुरको कटारी नगरपालिका–५ घर भई हाल भक्तपुरको सूर्यविनायक नगरपालिका–९ भातेढिकुर बस्दै आएकी ४० वर्षीया मेघिया चौधरी रहेकी छन्।
जिल्ला प्रहरी परिसर भक्तपुरका अनुसार शुक्रबार साँझ करिब ७ः४५ बजे २४ वर्षीय छोरा किरण चौधरीले घरायसी विवादका क्रममा आमामाथि कुटपिट गरेका थिए।
कुटपिटबाट गम्भीर घाइते भएकी मेघियालाई उपचारका लागि ललितपुरस्थित पाटन अस्पताल लगिएको थियो। उपचारकै क्रममा शनिबार राति करिब १ बजे उनको मृत्यु भएको प्रहरीले जनाएको छ।
घटनापछि प्रहरी वृत्त जगातीबाट खटिएको टोलीले आरोपी किरण चौधरीलाई नियन्त्रणमा लिएको छ। घटनाको कारणबारे थप अनुसन्धान भइरहेको जिल्ला प्रहरी परिसर भक्तपुरले जनाएको छ।
