विराटनगर ।श्रम संस्कृति पार्टीका अध्यक्ष हर्क साम्पाङले राष्ट्रिय स्वतन्त्र पार्टीका सभापति रवि लामिछाने लाई खुला पत्र लेख्दै भारतसँगको सीमा सम्बन्धी विषयमा पार्टीको आधिकारिक धारणा सार्वजनिक गर्न आग्रह गरेका छन्।
उनले आफ्नो फेसबुकमार्फत सार्वजनिक गरेको पत्रमा जेठ १७ गते प्रतिनिधिसभाको बैठकमा प्रधानमन्त्री बालेन शाहले नेपालले पनि भारतको सीमा धेरै ठाउँमा मिचेको छ भन्ने अभिव्यक्ति दिएको विषयप्रति ध्यानाकर्षण गराउँदै त्यसबारे रास्वपाको स्पष्ट धारणा मागेका हुन्।
पत्रमा उनले प्रधानमन्त्रीको उक्त अभिव्यक्तिलाई लिएर उठेका प्रश्नहरूमा रास्वपाको औपचारिक प्रतिक्रिया आवश्यक रहेको उल्लेख गरेका छन्।
उनले पार्टीको दृष्टिकोण सार्वजनिक गर्न आग्रह गर्दै विषयलाई राष्ट्रिय चासोको रूपमा उठाएका छन्।
