विराटनगर । सांसद् सुलभ खरेलले बजेटमाथि टिप्पणी गर्दै प्रधानमन्त्री बालेन्द्र शाहलाई अर्जुन, रवि लामिछानेलाई श्रीकृष्ण र अर्थमन्त्री स्वर्णिम वाग्लेलाई विदुरसँग तुलना गरेका छन्।
२१ खर्ब २४ अर्बको बजेट चुनौतीपूर्ण रहेको भन्दै खरेलले कर नीति र शिक्षा करबारे गम्भीर आलोचना गरे।
उनले १० लाखसम्म आम्दानी गर्ने साना कम्पनीमाथि २५ प्रतिशत कर्पोरेट कर र ५ प्रतिशत लाभांश कर लगाइनु उचित नभएको बताए।
त्यस्तै, शिक्षा तथा स्वास्थ्य समता शुल्कका नाममा लगाइएको ३ प्रतिशत करले अभिभावकमाथि थप भार परेको उनको भनाइ थियो
