विराटनगर । पाँच दिने भारत भ्रमणमा रहेका राष्ट्रिय स्वतन्त्र पार्टीका सभापति रवि लामिछानेले भारतीय प्रधानमन्त्री नरेन्द्र मोदीसँग भेटवार्ता गर्दैछन्।
उनले प्रधानमन्त्री मोदीलाई बुधबार बिहान १०:३० बजे भेटघाट गर्ने कार्यक्रम तय भएको छ।
पछिल्लो समय विकसित घटनाक्रमका बीच हुन लागेको यस भेटवार्तामा नेपाल-भारत सम्बन्धका थुप्रै आयामहरूका बारेमा कुराकानी हुने स्रोतले जनाएको छ।
सभापति लामिछानेले मंगलबार भारतीय गृहमन्त्री अमित शाह लगायतका उच्च अधिकारीहरूसँग पनि भेटवार्ता गरेका थिए।
