विराटनगर । माल्दिभ्सका राष्ट्रपति मोहम्मद मुइजुले माल्दिभ्स सरकारले १६ वर्ष मुनिका बालबालिकाहरूलाई साइबर अपराध र अन्य खतराहरूबाट जोगाउन सामाजिक सञ्जालमा पहुँच प्रतिबन्ध लगाउने घोषणा गरेको बताएका छन् ।
उनले अनलाइन तथा साइवर अपराधबाट बालबालिकाहरूलाई जोगाउनु स्वदेश तथा विदेशमा रहेका अभिभावकहरूका लागि प्रमुख चिन्ताको विषय बनेको बताए ।
सरकारले नयाँ साइवर नीति तयार गर्दा अष्ट्रेलिया सहित अन्य देशहरूमा लागु गरिएका नियमहरूको अध्ययन गर्ने उनले बताए।
उनले प्रस्तावित प्रतिबन्ध बालबालिकाका लागि जोखिमपूर्ण मानिने सामाजिक सञ्जालहरूको प्रयोगलाई लक्षित हुने बताए।
साथै, यस व्यवस्थाले बालबालिकाको शिक्षा तथा अनलाइनमार्फत सिकाइमा कुनै बाधा नपुर्याउने र सुरक्षित डिजिटल वातावरण निर्माण गर्न सहयोग पुग्ने स्पष्ट पारे।
