विराटनगर । पर्सा जिल्ला अदालतले मेडिकल व्यसायी दुर्गा प्रसाईंलाई साधारण तारेखमा छाड्न आदेश दिएको छ।
आज न्यायाधीश गायत्रीप्रसाद रेग्मीको इजलासले उनलाई साधारण तारेखमा छाड्न आदेश दिएको हो ।
उनीविरुद्ध दर्ता मुद्दामाथिको सुनुवाइपछि अदालतले उनलाई थुनामा नराखी तारेखमा राखेर अनुसन्धान तथा कानुनी प्रक्रिया अघि बढाउन आदेश दिएको छ ।
जेठ ४ मा प्रहरीले उनलाई पर्साको वीरगन्जस्थित दियालो होटलबाट पक्राउ गरेको थियो ।
अदालतमा सोमबार मुद्दा दायर हुँदा उनीविरुद्ध विद्युतीय कारोबार ऐन २०६३ अन्तर्गतको कसुर र राज्य विरुद्धको कसुरमा सजाय हुनुपर्ने मागदावी लिइएको थियो ।
