विराटनगर । छोरा भेट्न नेपालबाट अस्ट्रेलियाला पुगेकी महिलाको सिड्नी अन्तर्राष्ट्रिय विमानस्थलमै निधन भएको छ।
शुक्रबार बिहान सिड्नी विमानस्थलमा अचानक बेहोस भएपछि विमानस्थलमा रहेको मेडिकल टोलीले तत्कालै सीपीआर लगायतका प्राथमिक उपचार दिएर बचाउने प्रयास गरे पनि ठूली कान्छी तामाङको निधन भएको हो ।
काठमाडौंको सुकेधारा निवासी तामाङ आफ्ना श्रीमानसँगै अस्ट्रेलियाको न्यू साउथ वेल्स राज्यअन्तर्गत पर्ने वागा वागामा बस्ने छोरा राजु तामाङलाई भेट्न अस्ट्रेलियाला पुगेकी थिइन् ।
शव नेपाल लैजान गैरआवासीय नेपाली संघ ९एनआरएनए० अस्ट्रेलिया लगायतको सहयोगमा गो फन्ड मीबाट रकम जुटाइएको छ ।
गो फन्ड मीमा १५ हजार अस्ट्रेलियन डलरको लागि सहयोग आह्वान भएकोमा ४४४ जनाले १६ हजार २५१ अस्ट्रेलियन डलर डोनेट गरेका छन् ।
