विराटनगर । आईसीसी विश्वकप लिग-२ अन्तर्गत घरेलु मैदानको अन्तिम खेलमा नेपालले अमेरिकासँग प्रतिस्पर्धा गर्दैछ । खेल कीर्तिपुरस्थित त्रिवि मैदानमै शुक्रबार बिहान ९ः३० बजे सुरु हुनेछ ।
समान २७ खेल खेले पनि नेपाल पाँचौं स्थानमा छ भने अमेरिका शीर्ष स्थानमा छ ।
अमेरिकाले २७ खेल खेल्दा १९ जित निकाल्दै ३८ अंक जोडेको छ । समान खेल खेलेको नेपालले भने १० मात्र जित निकालेर १५ हारको सामना गरेर २२ अंकसहित पाँचौं स्थानमा सीमित छ ।
विश्वकप छनोटमा पर्न र एकदिवसीय मान्यता जोगाउन नेपालले अब बाँकी सबै खेल जित्नुपर्ने दबाब छ । अमेरिका भने शीर्ष स्थानमामा रहँदै उपाधि उचाल्ने दाउमा छ ।
