विराटनगर । जेनजी मुभमेन्ट नेपालले राष्ट्रिय स्वतन्त्र पार्टीका सांसद् कृष्णकुमार कार्कीलाई तत्काल पक्राउ गर्न माग गरेको छ ।
गत भदौ २४ मा भएको जेनजी आन्दोलनका क्रममा सिंहदरबार तथा संसद भवनमा भएको आगजनी र तोडफोड घटनामा प्रत्यक्ष संलग्न भएको आरोप लगाउँदै तत्काल पक्राउ गरी कानुनी कारबाही गर्न माग गरेको हो ।
विभिन्न सञ्चारमाध्यममा प्रकाशित समाचार, सार्वजनिक भिडियो तथा तस्बिरहरूमा सांसद् कार्की स्वयं संसद भवन परिसरमा आगजनीमा संलग्न भएको देखिएको मुभमेन्टका प्रवक्ता विजय शाहले जारी प्रेस विज्ञप्तिमा उल्लेख छ ।
उनले उक्त घटनासम्बन्धी सामग्री सामाजिक सञ्जालमा सार्वजनिक गरेको र संलग्नताको संकेत दिएका थिए ।
उनीमाथि हालै एक नाइजेरियन युवतीलाई गर्भवती बनाएर अलपत्र पारेको आरोप पनि सार्वजनिक भएको छ ।
