विराटनगर । सूर्यमुखी तेल उत्पादक कम्पनीका सञ्चालकलाई प्रहरीले पक्राउ गरेको छ ।
ललितपुरको लेलेस्थित छहारी र ओमकार ब्रान्डका सूर्यमुखी तेलमा तोकिएको मापदण्डभन्दा कम तौल राखेर उपभोक्तालाई ठगी गरेको आरोपमा सञ्चालक विजय श्रेष्ठ पक्राउ परेका हुन् ।
काठमाडौं उपत्यका अपराध अनुसन्धान कार्यालयका अनुसार उक्त उद्योगले उत्पादन गर्ने सूर्यमुखी तेलको प्याकेजिङमा उल्लेख गरिएभन्दा कम मात्रा राखेर बजारमा बिक्री भइरहेको विशेष सूचना प्राप्त भएको थियो।
उक्त उद्योगले उत्पादन गर्ने सूर्यमुखी तेलको प्याकेजिङमा उल्लेख गरिएभन्दा कम मात्रा राखेर बजारमा बिक्री गरेको आरोप छ । प्रहरीले ९०५ कार्टुन तेल बरामद गरेको छ ।
