काठमाडौं । लागुऔषध नियन्त्रण ब्युरोको टोलीले पेस्तोल र ठूलो मात्रामा लागुऔषधसहित चार जनालाई पक्राउ गरेको छ।
प्रहरीका अनुसार काठमाडौंका विभिन्न स्थानबाट १ थान पेस्तोल, सोको ३ थान म्याग्जिन, ४ राउन्ड गोली, एसएलआर हतियारका २ राउन्ड गोली तथा नियन्त्रित लागुऔषध ट्रामाडोल १६ हजार ७ सय ५० ट्याब्लेटसहित उनीहरूलाई पक्राउ गरिएको हो।
पक्राउ पर्नेहरूमा बूढानीलकण्ठ नगरपालिका–५ का २३ वर्षीय कबिर देउला, ४२ वर्षीया सबिना पोडे, २६ वर्षीय सन्सार सिटौला तथा ललितपुरको गोदावरी नगरपालिका–११ का २६ वर्षीय सुवास शाही रहेका छन्।
प्रहरीले विशेष सूचनाका आधारमा उनीहरूलाई नियन्त्रणमा लिएको जनाएको छ। घटनासम्बन्धी थप अनुसन्धान भइरहेको नेपाल प्रहरीले जनाएको छ।
