धरान। सुनसरीको धरान उपमहानगरपालिका–१७ बाट लागूऔषध ब्राउन सुगरसहित एक युवकलाई प्रहरीले पक्राउ गरेको छ। वैशाख १७ गते दिउँसो विशेष सूचनाका आधारमा कोशी प्रदेश प्रहरी कार्यालय विराटनगर र इलाका प्रहरी कार्यालय धरान बाट खटिएको संयुक्त टोलीले उक्त कारबाही गरेको हो।
प्रहरीले धरान–१७ का ३० वर्षीय सुरज राई लाई १६ ग्राम ९५० मिलिग्राम ब्राउन सुगरसहित नियन्त्रणमा लिएको जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
