काठमाडौं– ठमेल क्षेत्रमा ट्रकको ठक्करबाट एक पैदलयात्रीको मृत्यु भएको छ।
काठमाडौं महानगरपालिका–२६ पक्नाजोलस्थित सडकमा बा३क २३३९ नम्बरको ट्रकले ठक्कर दिँदा बारा निजगढ नगरपालिका–१३ घर भई ठमेलमा डेरा गरी बस्दै आएका ४० वर्षीय किरण घलान गम्भीर घाइते भएका थिए।
घाइते घलानलाई उपचारका लागि राष्ट्रिय ट्रमा सेन्टर लगिएकोमा उपचारकै क्रममा मृत्यु भएको प्रहरीले जनाएको छ।
प्रहरीले ट्रक चालकलाई नियन्त्रणमा लिएको छ भने घटनाबारे थप अनुसन्धान भइरहेको जनाएको छ।
