विराटनगर — मोरङ प्रहरीले लागूऔषध खैरो हेरोइनसहित दुई जनालाई नियन्त्रणमा लिएको छ।
जिल्ला प्रहरी कार्यालय मोरङ र लागूऔषध नियन्त्रण ब्युरो विराटनगर को संयुक्त टोलीले २०८३ वैशाख १४ गते दिउँसो करिब ३:३० बजे विराटनगर–९ रानी सडक खण्डबाट उनीहरूलाई पक्राउ गरेको हो।
पक्राउ पर्नेमा भारत, बिहार राज्यको अररिया जिल्ला जोगबनी क्षेत्रका ३० वर्षीय मोहम्मद अब्दुल्ला र विराटनगर–१७ मटेरुवाका ३५ वर्षीय बाबु मियाँ रहेका छन्। उनीहरू सवार प्र.१–०४००२ प ०७७२ नम्बरको मोटरसाइकललाई शंकास्पद अवस्थामा जाँच गर्दा बाबु मियाँको साथबाट प्लास्टिक बाहेक करिब १९१ ग्राम खैरो हेरोइनजस्तो देखिने पदार्थ बरामद गरिएको प्रहरीले जनाएको छ।
बरामद लागूऔषधसहित दुवै जनालाई मोटरसाइकलसहित नियन्त्रणमा लिई थप अनुसन्धानका लागि प्रहरी कार्यालयमा राखिएको छ।
