काठमाडौं । पेट्रोलियम पदार्थको मूल्यवृद्धिको विरोध सुरु भएको छ। राष्ट्रिय जेनजी नागरिक अभियानले मूल्यवृद्धि घटाउन माग गर्दै नेपाल आयल निगम अगाडि प्रदर्शन गरेको छ।
पेट्रोलियम मूल्यवृद्धिको विरोधमा बबरमहलस्थित आयल निगममा धर्ना दिन पुगेका प्रदर्शनकारीलाई प्रहरीले हटाएपछि उनीहरूले निगम नजिकै प्रदर्शन गरेका हुन्।
अभियानले निगम परिसरमै धर्ना दिँदै ध्यानाकर्षणसहितको ज्ञापनपत्र बुझाउने प्रयास गरेको थियो। तर प्रहरीले त्यहाँबाट हटाएपछि उनीहरूले नाराबाजी गर्दै विरोध जनाएका छन्।
प्रहरीको हस्तक्षेपलाई ‘दमन’ भन्दै प्रदर्शनकारीहरूले सरकारविरुद्ध आवाज उठाएका छन्। पेट्रोलियम पदार्थको मूल्यवृद्धिले समग्र बजारमै असर परेको भन्दै उनीहरूले मूल्य घटाउन सरकारसँग माग गरेका छन्।
