सिंहदरबारस्थित मन्त्रालयमा भएको भेटमा नेपाल–बेलायतबीचको ऐतिहासिक द्विपक्षीय सम्बन्ध, सहयोग र आपसी सहकार्यका विषयमा छलफल भएको थियो। विशेषगरी शिक्षा र खेलकुद क्षेत्रमा सहकार्य विस्तार गर्ने विषयमा दुबै पक्षबीच केन्द्रित संवाद भएको जनाइएको छ।
भेटमा बेलायत सरकारबाट नेपालमा शिक्षा क्षेत्रमा भइरहेका सहयोगलाई निरन्तरता दिने विषयमा सहमति भएको छ। साथै, नेपाल सरकारले सातै प्रदेशमा सञ्चालन गर्न लागेको अटिजम स्कुलका लागि सहकार्य, स्रोत व्यवस्थापन तथा शिक्षकको पेशागत क्षमता विकासका विषयमा पनि छलफल भएको छ।
मन्त्री पोखरेलले शिक्षा क्षेत्र सुधार, शिक्षकको दक्षता अभिवृद्धि र अटिजम स्कुल सञ्चालनका लागि बेलायत सरकारबाट निरन्तर सहयोगको अपेक्षा व्यक्त गरेका छन्।
राजदूत फेनले नेपालमा शिक्षा, खेलकुद तथा अन्य क्षेत्रमा विगतदेखि भइरहेको सहकार्यलाई अझ सुदृढ बनाउने प्रतिबद्धता जनाएका छन्। भेटमा ट्रान्सनेशनल एजुकेशनको सम्भावना र शिक्षक क्षमता विकासमा सहकार्य गर्ने विषयमा समेत सकारात्मक समझदारी बनेको बताइएको छ।
