अमेरिकाका उपराष्ट्रपति जेडी भान्स इरानसँग तय भएको शान्ति वार्ताका लागि अमेरिकी प्रतिनिधि मण्डलको नेतृत्व गर्दै पाकिस्तान प्रस्थान गरेका छन्। वार्ता इस्लामाबादमा हुने जनाइएको छ।
अमेरिकी टोलीमा पूर्व राष्ट्रपति डोनाल्ड ट्रम्प का ज्वाइँ तथा पूर्व सल्लाहकार जेरेड कुशनर र विशेष दूत स्टीभ भिटकफ समेत सहभागी छन्। उनीहरू यसअघि इजरायल–गाजा युद्धविराम र रूस–युक्रेन द्वन्द्व रोक्ने प्रयासमा पनि संलग्न थिए।‘एयर फोर्स टु’ मार्फत यात्रा गरिरहेको प्रतिनिधि मण्डल फ्रान्सको राजधानी पेरिस मा इन्धन भर्न रोकिएको थियो। पाकिस्तान प्रस्थानअघि भान्सले इरानसँग वार्तामा सकारात्मक संकेत देखिए आफूहरू खुला रूपमा अघि बढ्न तयार रहेको बताएका छन्।
साथै उनले कडा चेतावनी दिँदै वार्तामा कुनै छलकपट भए त्यसको जवाफ कडा रूपमा दिइने संकेत गरेका छन्। राष्ट्रपति ट्रम्पले पनि भान्सलाई स्पष्ट निर्देशन दिएको बताइएको छ।इरानको तर्फबाट संसद् सभामुख मोहम्मद बाघेर घालिबाफ र विदेशमन्त्री अब्बास अराघची इस्लामाबाद पुगिसकेका छन्।
यो वार्ता निकै संवेदनशील मानिएको छ, किनकि पछिल्ला सैन्य तनावपछि दुवै पक्षबीच अविश्वास बढेको छ। सफल भएमा क्षेत्रीय स्थायित्वमा ठूलो प्रभाव पर्ने अपेक्षा गरिएको छ।
