जारी सिजनको इन्डियन प्रिमियर लिगमा पहिलो चरण खेल सकिएर दोस्रो चरणका खेलहरू भइरहेका छन् । हुन पनि क्रिकेट मैदान बलरहरूमाथि ब्याट्सम्यानको चौका-छक्का प्रहारले गर्दा रोमाञ्चक बन्दै जान्छ । अनि ब्याट्म्यानको विकेट लिदाँ बलरहरूमा आउने खुशीले छुट्टै रौनक छाउँछ ।
आइपिएल जारी रहँदा एउटा रोचक तथ्यले तपाईंलाई विशेषगरी वातावरणप्रेमीलाई खुशी मिल्न सक्छ । किनकि, आइपिएलमा प्रत्येक डट बलका लागि भारतमा ५०० बिरुवा रोपिन्छन् । यस्तो किन गरिन्छ, आउनुस् यसबारे चर्चा गरौं ।
आइपिएलका खेलहरूका दौरान प्रत्येक डट बलसँगै स्कोर ग्राफिक्समा रुखको चिह्न देखाइन्छ । जुन वातावरण संरक्षणका लागि एउटा अनौठो कदम पनि हो । भारतीय क्रिकेट बोर्ड (बिसिसिआई) ले आइपिएलको मुख्य प्रायोजक टाटा ग्रुपसँग मिलेर यो पहल थालेको हो ।
हरित अभियानअन्तर्गत बिसिसिआईले आइपिएलको १९औं संस्करणमा प्रहार भएको प्रत्येक डट बलको बदलामा ५०० विरुवा रोप्ने बाचा गरेको छ । यसैकारण आइपिएलका प्रत्येक डट बल पर्यावरणका लागि एउटा सकारात्मक कदम बनेको छ । यसले खेलप्रति उत्साहका साथसाथै प्रकृतिप्रतिको जिम्मेवारी पनि एउटा सन्देशका रूपमा फैलिरहेको छ ।
आइपिएल विश्वककै चर्चित टी-२० लिग हो र यसका दर्शक समर्गथ संसारभरि धेरै छन् । प्रत्येक वर्ष आइपिएल करोडौं मानिसले हेर्छन् । यस्तोमा कुनै पनि ब्रान्डको प्रमोसन गर्ने ठाउँ यो भन्दा उपयुक्त अरू कहीँ छैन । जब स्कोर बोर्ड अनि लाइभ ब्रोडकास्टिङमार्फत् दर्शकले रुखको प्रतीक देख्छन्, उनीहरूलाई लाग्न सक्छ कि सानो-सानो कदमले पनि पर्यावरण संरक्षणमा ठुलो भूमिका खेल्न सक्छ ।
यसैले बिसिसिआई र टाटा ग्रुपको यो साझेदारी एक प्रतिकात्मक कदम मात्र होइन, बरु यसको लक्ष्य वास्तविक परिवर्तन ल्याउनु हो । यदि पूरा सिजनमा हजारौं डट बल भयो भने लाखौं रुख रोप्न सकिन्छ । यसले हाल विश्वव्यापी रूपमा बढिरहेको तापक्रमका लागि अनि कार्बन उत्सर्जन कम गर्न मद्दत मिल्छ । यसबाट जैविक विविधतालाई पनि बढावा मिल्छ ।
बिसिसिआई र टाटा ग्रुपको यो प्रयासलाई खेलाडी र उनीहरू आबद्ध टिमहरूले पनि समर्थन गरेका छन् । यसबाट पनि के प्रष्ट हुन्छ भने खेल क्षेत्र अब प्रतिस्पर्धामा मात्र सीमित छैन । बरु यसले सामाजिक र पर्यावरणीय जिम्मेवारीलाई पनि गम्भीर रूपमा लिएको छ ।
अब आइपिएलमा डट बलले टिमलाई स्कोर बढाउन सहयोग मात्र गरेको छैन । यसले त वातावरण संरक्षणसम्ममा पनि योगदान दिएको छ । अब कोही बलरले डट बल फाल्छ भने कुनै टिमलाई मात्र नभए पूरा संसारका लागि योगदान गरिरहेको हुन्छ । अब यसरी, आइपिएलमा डट बल फ्याँक्नेले रुख रोप्दै जानुपर्ने भयो भने कुन टिमले सबैभन्दा बढी बिरुवा रोप्नुपर्छ त ?
आइपिएलको इतिहासमा मुम्बई इन्डियन्स सबैभन्दा बढी डट बल फ्याक्ने टिम हो । पाँच पटक आइपिएल च्याम्पियन बनेको उसले हालसम्म ११ हजार सात सय ४७ वटा डट बल फ्यालेको छ भने साविक विजेता रोयल च्यालेन्जर्स बैंग्लोर १० हजार नौ सय ८७ डट बल फ्यालेर दोस्रो स्थानमा छ ।
कोलकता नाइट राइडर्स तेस्रो स्थानमा रहँदा दिल्ली क्यापिटल्स र चेन्नई सुपर किंग्स क्रमशः चौथो र पाँचौं स्थानमा छन् । आइपिएलका पाँच टिमले १० हजारभन्दा माथि डट बल फालेका छन् । आइपिएलको इतिहासमा सबैभन्दा धेरै डट बल फ्याँक्ने खेलाडी भने भुवनेश्वर कुमार हुन् । उनी एक्लैले
