मिनियापोलिस – अमेरिकी आप्रवासन नीतिविरुद्ध दशौँ लाख प्रदर्शनकारी शनिबार मिनियापोलिसको सडकमा उत्रिएका छन्।
‘नो किङ्ग्स’ नारासहित भएको यस प्रदर्शनमा आयोजकका अनुसार करिब दुई लाख मानिस सहभागी थिए। प्रदर्शन ट्रम्प प्रशासनको कडा आप्रवासन नीति विरुद्ध केन्द्रित थियो।
जनवरीमा संघीय एजेन्टको छापामा दुई अमेरिकी नागरिकको मृत्यु भएपछि मिनियापोलिस राष्ट्रिय बहसको केन्द्र बनेको थियो।
प्रदर्शनमा सहभागीहरूले ‘कुनै राजा चाहिँदैन, कुनै आइस चाहिँदैन, कुनै युद्ध चाहिँदैन’ जस्ता नाराहरू घन्काएका थिए।
सांस्कृतिक कार्यक्रममा चर्चित संगीतकार ब्रुस स्प्रिङ्गस्टीनले मृतक प्रति श्रद्धाञ्जली व्यक्त गर्दै ‘स्ट्रिट्स अफ मिनियापोलिस’ गीत प्रस्तुत गरे।
राजनीतिक नेतृत्वले पनि विरोधमा समर्थन देखाएको थियो। मिनेसोटाका गभर्नर टिम वाल्ज र वामपन्थी नेता बर्नी स्यान्डर्सले ट्रम्पको आलोचना गर्दै संविधान र कानूनी शासनको अवमूल्यन भएको आरोप लगाए।
प्रदर्शनमा सहभागी नागरिकले आगामी मध्यावधि चुनावमा परिवर्तनको संकेत देखिएको र ट्रम्प नेतृत्वमा असन्तुष्टि बढेको बताएका छन्।
