काठमाडौं – राष्ट्रिय स्वतन्त्र पार्टी (रास्वपा) ले बालेन शाह नेतृत्वको नयाँ सरकारका मन्त्रीहरूको नाम टुंगो लगाउन थालेको छ।
स्रोतका अनुसार अर्थ मन्त्रालयमा डाक्टर स्वर्णिम वाग्ले, परराष्ट्र मन्त्रालयमा शिशिर खनाल र कानुन मन्त्रालयमा सोविता गौतमको नाम लगभग निश्चित भइसकेको छ।रास्वपाका एक शीर्ष नेताका अनुसार यी तीन मन्त्रालयको टुंगो लागिसकेको छ भने अन्य मन्त्रालयहरू पनि अन्तिम चरणमा छन्।
सम्भावित मन्त्रीहरूको सूचीमा सुदन गुरुङ, बिराजभक्त श्रेष्ठ, सस्मित पोखरेल, गणेश पौडेल, विक्रम खनाल, निशा डाँगी, गीता चौधरी र सीता बादी लगायतका नाम पनि चर्चामा छन्। यद्यपि, ती नामहरू औपचारिक रूपमा पुष्टि भइसकेका छैनन्।
स्रोतका अनुसार मन्त्री बन्ने व्यक्तिहरूलाई रवि लामिछाने, बालेन शाह र उनको सचिवालयमार्फत फोन तथा सन्देशमार्फत जानकारी दिइसकिएको छ। आज दिउँसो साढे १२ बजे बालेन शाहले प्रधानमन्त्री पदको शपथ लिने कार्यक्रम रहेको छ। त्यसलगत्तै मन्त्रीहरूको पनि शपथ ग्रहण हुने तयारी गरिएको छ।
यसैबीच सभामुख पदका लागि डीपी अर्यालको नाम टुंगो लागेको जनाइएको छ।
