विराटनगर । प्रतिनिधिसभाका ज्येष्ठ सदस्य नेपाली कांग्रेसका सांसद् अर्जुननरसिंह केसीको शपथ बुधबार हुने भएको छ ।
राष्ट्रपति कार्यालयले विज्ञप्ति प्रकाशित गरी केसीले राष्ट्रपति रामचन्द्र पौडेलबाट राष्ट्रपति कार्यालय शीतल निवासमा शपथ ग्रहण गर्ने कार्यक्रम रहेको जनाएको छ।
संघीय संसद सचिवालयले बिहीबार दिउँसो २ बजे नवनिर्वाचित प्रतिनिधिसभा सदस्यहरूको पद तथा गोपनीयताको शपथको कार्यक्रम राखेको छ।
ज्येष्ठ सदस्य केसीले राष्ट्रपतिबाट शपथ लिएपछि सिंहदरबारस्थित संसद भवनमा २ सय ७४ सांसद्हरूको शपथ गराउने छन्।शुक्रबार रामनवमीका दिन भने प्रधानमन्त्रीका रूपमा बालेन शाहले शपथ लिने कार्यक्रम छ।
