फोटो फाइल काठमाडौँ – नेपाल प्रहरीको साइबर व्यूरोले बैंकिङ कसुरसम्बन्धी अभियोगमा प्रभु बैंकका कर्पोरेट एण्ड प्रोजेक्ट फाइनान्स विभाग प्रमुख दिनेश डङ्गोललाई पक्राउ गरेको छ।
ब्यूरोका अनुसार, प्रतिवादी अशोक शेरचनमाथि अनुसन्धान जारी रहेका क्रममा थप प्रमाण फेला परेपछि डङ्गोललाई नियन्त्रणमा लिइएको हो।
अनुसन्धानका क्रममा डङ्गोलले नेपाल राष्ट्र बैंकको निर्देशन तथा प्रचलित कानूनविपरीत काम गरेको र प्रभु म्यानेजमेन्ट प्रालिसँग सम्बन्धित ऋण प्रवाहमा कर्जा दुरुपयोग गरेको प्रारम्भिक निष्कर्ष आएको छ।
हाल उनीमाथि जिल्ला अदालत काठमाडौँबाट अनुमति लिएर थप अनुसन्धान भइरहेको साइबर व्यूरोका सूचना अधिकारी शिवकुमार श्रेष्ठले जानकारी दिएका छन्।
