विराटनगर । बर्दिया राष्ट्रिय निकुञ्जमा शिकार खेल्न गएका सुर्खेतका ६ जना ९ दिनदेखि सम्पर्कविहीन भएका छन् ।
प्रहरीका अनुसार सुर्खेत बराहताल गाउँपालिका-१ ज्यामिरेका २५ वर्षीय रेशम समसेली, ३३ वर्षीय टोपबहादुर खत्री, सर्खेतको लेकवेशी नगरपालिका-८ गंगटे घर भई हाल बर्दिया बस्ने ४५ वर्षीय दुर्गाबहादुर सिजाली,३४ वर्षीय रामबहादुर घर्ती, ३० वर्षीय सुनिल समसेली र ४१ वर्षीय रविलाल दमाई सम्पर्कविहीन भएका हुन् । उनीहरू २३ फागुनमा घरदेखि १७ किलोमिटर दक्षिण तर्फ रहेको बर्दिया राष्ट्रिय निकुञ्ज तर्फ गएका थिए ।
सम्पर्कविहीन भएका व्यक्तिको खोजी कार्य जारी रहेको प्रहरीले जनाएको छ ।
