विराटनगर । जेन-जी आन्दोलनबारे छानबिन गर्न गठित गौरीबहादुर कार्की नेतृत्वको आयोगले सरकारलाई बुझाएको प्रतिवेदन सार्वजनिक गर्न माग गर्दै जेन-जी मुभमेन्ट अलायन्सले विरोध प्रदर्शन सुरु गरेको छ ।
अलायन्सले सोमबार माइतीघर मण्डलामा आँखामा कालोपट्टी बाँधेर मौन विरोध प्रदर्शन गरेको हो । सरकारले गरेका पछिल्ला राजनीतिक नियुक्तिको खारेज गर्न माग समेत गरेका छन् ।
उनीहरूले प्रतिवेदन तुरुन्त सार्वजनिक गर्न र आन्दोलनसँग सम्बन्धित घटनाबारे पारदर्शी जानकारी दिन सरकारसँग माग गरेका छन् ।
