काठमाडौं — इरान का खेलकुदमन्त्री अहमद डोन्यामाली ले देशको अस्थिर अवस्थाका कारण फिफा विश्वकप २०२६ मा सहभागी हुन नसक्ने स्थिति रहेको बताएका छन्।
अमेरिका र इजरायल को संयुक्त आक्रमणमा इरानका सर्वोच्च नेता आयतोल्लाह अली खामेनेई को मृत्यु भएपछि देशको अवस्था अस्थिर बनेको भन्दै उनले यस्तो परिस्थितिमा विश्वकप खेल्न सुरक्षित वातावरण नरहेको बताएका हुन्।
अमेरिकी हमलापछि जवाफस्वरूप इरानले इजरायल र अमेरिकी सैन्य आधार रहेका क्षेत्रतर्फ मिसाइल र ड्रोन प्रहार गरेको थियो। यसले देशको सुरक्षा अवस्था थप जटिल बनेको उनले उल्लेख गरेका छन्।
आईआरआईबी स्पोर्ट्स नेटवर्कसँगको अन्तर्वार्तामा डोन्यामालीले भने, “हाम्रो नेताको हत्या गरिएको अवस्थामा विश्वकपमा सहभागी हुने उपयुक्त परिस्थिति छैन। खेलाडीहरू सुरक्षित छैनन्, त्यसैले सहभागिताको अवस्था बनेको छैन।”
विश्वकप २०२६ अमेरिका, क्यानडा र मेक्सिको मा जुन ११ देखि सुरु हुँदैछ। तालिकाअनुसार इरानले समूह चरणमा न्युजिल्यान्ड सँग जुन १५, बेल्जियम सँग जुन २१ (दुवै खेल लस एन्जलस मा) तथा इजिप्ट सँग जुन २६ मा सियाटल मा खेल्ने तालिका रहेको छ।
यसअघि जियानी इन्फान्टिनो ले अमेरिकी राष्ट्रपति डोनाल्ड ट्रम्प ले इरानलाई प्रतियोगितामा सहभागी हुन स्वागत गरेको बताएका थिए।
यता मेहदी ताज ले पनि वर्तमान परिस्थितिमा विश्वकपमा टोली पठाउने विषय कठिन भएको बताएका छन्।
फिफा को नियमअनुसार कुनै टोली प्रतियोगिताबाट बाहिरिए वा हटाइएमा त्यसबारे अन्तिम निर्णय फिफाले गर्नेछ र आवश्यक परे अर्को टोलीलाई प्रतिस्थापनका रूपमा सहभागी गराउन सकिने व्यवस्था रहेको छ।
