सुनवर्षी ।मोरङ जिल्लाको सुनवर्षी नगरपालिकामा मतदान अधिकृतसँग झै-झगडा गर्ने एक जना पक्राउ परेका छन् ।
सुनवर्षी–६ स्थित पटियापाडा माध्यमिक विद्यालयको (ग) मतदान केन्द्रमा खटिएका सरकारी कर्मचारीलाई प्रहरीले नियन्त्रणमा लिएको हो ।
बुधबार ६:५० बजेतिर उक्त मतदान केन्द्रमा खटिएका नेपाल विद्युत् प्राधिकरण रंगेली वितरण केन्द्रको सहायक पाँचौ तहको कर्मचारी रंगेली नगरपालिका- २ बस्ने ३७ वर्षीय रञ्जित सिवाले मतदान अधिकृत तथा अन्य कर्मचारीहरुसंग झै-झगडा तथा गालीगलौज गरेका थिए ।
निर्वाचन प्रक्रियामा असहयोगसमेत गरेको आरोपमा इलाका प्रहरी कार्यालय सिजुवाबाट खटिएको प्रहरी टोलीले उनलाई नियन्त्रणमा लिएको हो ।
यसबारे थप अनुसन्धान कार्य भइरहेको प्रहरीले जनाएको छ ।
