डोल्पा — त्रिपुरासुन्दरी नगरपालिका–३ मा बिहीबार बिहान भएको बोलेर जिप दुर्घटनामा एक जनाको मृत्यु भएको छ भने तीन जना घाइते भएका छन्।
प्रहरीका अनुसार त्रिपुरासुन्दरी–३ जिउ गाउँदेखि त्रिपुराकोटतर्फ आउँदै गरेको ग१ज ८०९९ नम्बरको बोलेर जिप बिहान साढे १० बजेतिर दुर्घटनामा परेको थियो।
दुर्घटनामा धनचन्द्र धराला (४५ वर्ष) को मृत्यु भएको छ। घाइते हुनेमा जिउ गाउँका सुकलाल गुरूङ (३८ वर्ष), त्रिपुरासुन्दरी–३ सुँ गाउँकी रमा बोहोरा (४५ वर्ष) र जिप चालक रहेका छन्। घाइतेहरू थप उपचारका लागि जिल्ला अस्पताल दुनै पठाइएको छ।
दुर्घटनाको क्रममा चालक एलिस बुढाथोकी (२५ वर्ष, कुमाख गाउँपालिका, सल्यान) लाई प्रहरी चौकी त्रिपुराकोटले नियन्त्रणमा लिएको छ।
प्रहरीले दुर्घटनाको थप अनुसन्धान भइरहेको जनाएको छ।
