विराटनगर । नेपाली कांग्रेस क्षेत्र नं. ६, मोरङले आगामी आम निर्वाचनलाई लक्षित गर्दै युवा परिचालन समितिको संयोजकको जिम्मेवारी विमल भट्टराईलाई दिएको छ।
कांग्रेसको मूल प्रचारप्रसार समितिले मंगलबार बुढीगंगा–१ निवासी भट्टराईलाई क्षेत्र नं. ६ अन्तर्गत गठित युवा परिचालन समितिको संयोजकमा मनोनयन गरेको हो।
जारी पत्रमा आगामी फागुन २१ गते हुने आम निर्वाचनमा क्षेत्र नं. ६ बाट डा. शेखर कोइराला उम्मेदवार रहेकाले पार्टीलाई अत्यधिक मतले विजयी गराउन युवा परिचालनलाई सक्रिय र प्रभावकारी बनाउने उद्देश्यले उक्त जिम्मेवारी दिइएको उल्लेख गरिएको छ।
संयोजकको जिम्मेवारी दिँदै पार्टीप्रति निरन्तर माया, सहयोग र सक्रिय भूमिकाको अपेक्षा गरिएको पनि पत्रमा जनाइएको छ।
