काठमाडौं । त्रिभुवन अन्तर्राष्ट्रिय विमानस्थलबाट सुनसहित फिनल्याण्डका एक नागरिक पक्राउ परेका छन्। पक्राउ पर्नेमा ६४ वर्षीय इम्तियाज अहमद रहेका छन्।
शनिबार बेलुका विमानस्थलको अन्तर्राष्ट्रिय उडानतर्फको आगमन टनेल गेट नजिकबाट उनलाई प्रहरीले ४० ग्राम सुनसहित पक्राउ गरेको हो। प्रहरीको केन्द्रीय समाचार कक्षका अनुसार उनले चार वटा बिस्कुटको आकारमा सुन बोकेर ल्याएका थिए।
अहमद एअर इन्डियाको उडानमार्फत भारतको नयाँदिल्लीबाट काठमाडौं आएका थिए। थप अनुसन्धान तथा कारबाहीका लागि उनलाई विमानस्थल भन्सार कार्यालय पठाइएको प्रहरीले जनाएको छ।
