काठमाडौँ– काठमाडौँको दरबारमार्ग क्षेत्रमा रहेको एक होटलमा आगलागी भएको छ। बिहीबार बिहान क्लबको बोर्ड सर्किट भएर आगलागी भएको प्रारम्भिक जानकारी प्रहरीले दिएको छ।
आगलागी नियन्त्रणका लागि नेपाल प्रहरी तथा काठमाडौँ महानगरपालिकाका चार वटा दमकल घटनास्थलमा खटाइएका छन्। दमकल र सुरक्षाकर्मीको सक्रिय प्रयासपछि आगो नियन्त्रणमा लिने काम जारी रहेको छ।
आगलागीबाट भएको क्षतिको विवरण तथा मानवीय क्षतिबारे थप विवरण आउन बाँकी रहेको प्रहरीले जनाएको छ।
