काठमाडौं — नेपाल स्टक एक्सचेन्ज (नेप्से) परिसूचक आज सामान्य अङ्कले घटे पनि कारोबार रकममा उल्लेख्य वृद्धि देखिएको छ।
आज नेप्से परिसूचक ३ दशमलव ०७ अङ्कले घटेर २,७६९ दशमलव ०९ बिन्दुमा कायम भएको हो।
नेप्सेका अनुसार आज ३३२ कम्पनीका ३ करोड ६२ लाख ६४ हजार ८७४ कित्ता शेयर १ लाख ३७ हजार ६७६ पटक खरिद–बिक्री हुँदा १६ अर्ब ३५ करोड ५७ लाख ३० हजार ३६६ रुपैयाँ बराबरको कारोबार भएको छ।
आजको कारोबारमा जलविद्युत्, होटल तथा पर्यटन, उत्पादन तथा प्रशोधन तथा म्युचुअल फन्ड समूहका उपसूचक बढेका छन् भने अन्य सबै समूहका उपसूचक घटेका छन्।
