एजेन्सी । फ्रान्सका राष्ट्रपति इम्यानुएल म्याक्रोन संयुक्त राष्ट्रसंघमा फिलिस्तीनलाई मान्यता दिने विषयमा गरेको भाषणपछि कारमा यात्रा गर्न लाग्दा अमेरिकी राष्ट्रपति डोनाल्ड ट्रम्पको मोटरकेडका कारण बाटो अवरुद्ध भएपछि करिब ३० मिनेट पैदल हिँड्न बाध्य भए।
घटनाको भिडियो “ब्रट” नामक मिडियाका पत्रकारले खिचेका हुन्। भिडियोमा म्याक्रोन प्रहरीलाई आफ्नो कार रोकिनुका कारण सोधपुछ गर्दै देखिन्छन्। प्रहरी अधिकारीले उनलाई भनेका थिए: “माफ गर्नुहोस् राष्ट्रपति महोदय, सबै बाटो रोकिएको छ, ट्रम्पको मोटरकेड आउँदैछ।”
म्याक्रोनले त्यसपछि हाँस्दै आफैं ट्रम्पलाई फोन गर्दै भनेका छन्: “गेस्स् ह्वाट? म त सडकमै कुर्दैछु किनभने सब थुनिएको छ तपाईंका लागि।” कार रोकिने भएपछि उनी पैदलै अघि बढे। बाटोमा सामान्य नागरिकसँग फोटो खिचाउने, कुराकानी गर्ने, यहाँसम्म कि कसैले निधारमा चुम्बन समेत गर्ने दृश्य देखियो।
संयुक्त राष्ट्रसंघको विशेष शिखर सम्मेलनमा उनले भनेका थिए: “अब गाजाको युद्ध, हत्या र मृत्यु अन्त्य गर्ने समय आएको छ। फिलिस्तीनी जनताको न्यायका लागि गाजा, वेस्ट बैंक र यरुशलममा फिलिस्तीनलाई स्वतन्त्र राज्यका रूपमा मान्यता दिने समय आएको छ।”
