विराटनगर । विराटनगरको एयरपोर्ट होटलमा हिकभिजन र इजिविज ज्ञान साझेदारी कार्यक्रम सफलतापूर्वक सम्पन्न भएको छ ।
रिद्धि सप्लायर्स, हिकभिजन नेपाल र नियोटेरिक नेपालको संयुक्त आयोजनामा भएको यस कार्यक्रममा ९० भन्दा बढी सहभागीहरूको उपस्थिति रहेको थियो ।
कार्यक्रमका मुख्य अतिथिहरूमा मोरङ जिल्ला प्रहरी कार्यालयका एसपी नारायण चिमरिया, सहायक प्रमुख जिल्ला अधिकारी सरोज कोइराला, जिल्ला ट्राफिक कार्यालय विराटनगरका प्रमुख राजन लम्साल, नियोटेरिक नेपालका उपाध्यक्ष योगेश रोय, हिकभिजन च्यानल सेल्स म्यानेजर मोहम्मद चुन्ना, हिकभिजन मार्केटिङ म्यानेजर अमर पुडासैनी, हिकभिजन टेक्निकल इञ्जिनियर कञ्चन गिरी, नियोटेरिक नेपालका प्रोडक्ट म्यानेजर सुमित मिश्र र टेक्निकल म्यानेजर लेखनाथ न्यौपानेको उपस्थिति रहेको थियो ।
यस कार्यक्रमलाई रिद्धि सप्लायर्सका प्रबन्ध निर्देशक जयन्त कुमार बोथराले विशेष पहल गरी आयोजना गरेका हुन् ।
कार्यक्रममा सहभागीहरूलाई हिकभिजन र इजिविज ब्रान्डका उत्पादनहरूको विस्तृत जानकारी दिइएको थियो । साथै बिक्री मार्गदर्शन र प्राविधिक विकासका विषयमा विशेष जानकारी प्रदान गरिएको थियो ।
कार्यक्रममा लाइभ गार्ड क्यामेरा, पीटी क्यामेरा, कलरभ्यु ३.०, इन्टरएक्टिभ डिस्प्ले, मिनमो फेस रिकग्निसन टर्मिनल र एएनपीआर क्यामेरा जस्ता उन्नत उत्पादनहरूको प्रदर्शन गरिएको थियो ।
यी उत्पादनहरूमा चेतावनी लाइट/सायरन, स्मार्ट डिटेक्सन, मोबाइल अलर्ट, ३६० डिग्री कभरेज, अटो ट्र्याकिङ, उच्च जुम, रातिमा रंगीन दृश्य, फोरके गुणस्तर, अनुहार पहिचान र गाडी नम्बर प्लेट चिन्ने जस्ता विशेषताहरू छन् ।
हिकभिजन नेपाल र नियोटेरिक नेपालले भविष्यमा पनि यस्ता ज्ञान साझेदारी कार्यक्रमहरू निरन्तरता दिने प्रतिबद्धता व्यक्त गरेका छन् ।
यस कार्यक्रमले सुरक्षा प्रविधि क्षेत्रको ज्ञान अभिवृद्धि र व्यावसायिक सशक्तिकरणमा महत्वपूर्ण योगदान गर्ने अपेक्षा गरिएको छ ।
