विराटनगर । सप्तरीमा कारागारबाट भागेका एक कैदीबन्दीको शव फेला परेको छ ।
सप्तरी कारागारमा भदौ २५ गते आगजनी गरी भागेका कैदीबन्दीहरूमध्ये ३५ वर्षीय सन्तोषकुमार तामाङ मृत फेला परेका हुन् ।
उनको शव राजगढ गाउँपालिका–३ नर्घो पूर्वारी कट्टीस्थित नहरबाट पत्थरगाढा जाने सडक छेउमा झुण्डिएको अवस्थामा फेला परेको हो ।
प्रहरी चौकी झुटकीका प्रहरी नायब निरीक्षकको कमाण्डमा खटिएको टोलीले कटहरको रुखमा गम्छाको पासो लगाई झुण्डिएको अवस्थामा तामाङको शव भदौ २८ गते बिहान फेला पारेको हो ।
कर्तव्य ज्यान मुद्दामा २५ वर्षको कैद सजाय भुक्तान गर्दै आएका तामाङ सप्तकोशी नगरपालिका–१० निवासी हुन् । तामाङ ०७५ मङ्सिर १५ गतेदेखि राजविराज कारागारमा कैद सजाय भुक्तान गर्दै आएका थिए ।
शवको पोष्टमार्टम प्रदेशिक अस्पताल राजविराजमा गरिएको छ ।
