विराटनगर । मोरङको धनपालथानमा एक भारतीय नागरिक मृत भेटिएका छन् ।
मृत भेटिनेमा भारतको अररिया घर भएका ५५ वर्षीय राजेश्वर बहरदार रहेका छन् ।
ससुराली आएका उनी धनपालथान गाउँपालिका–३ बेतौनामा मृत फेला परेका हुन् ।
हुलाकी सडक खण्डको पेटीमा मृत फेला परेका हुन् ।
स्थानीयले आइतबार दिउँसो मृत्यु भएको अवस्थामा देखेपछि प्रहरीलाई खबर गरेका थिए ।
शवलाई पोस्टमार्टमका लागि रंगेली अस्पताल लगिएको छ ।
मृत फेला परेका बहरदार धनपालथानस्थित ससुराली आएको प्रारम्भिक अनुसन्धानबाट खुलेको छ ।
उनको मृत्युको कारण प्रष्ट भइसकेको छैन ।
इलाका प्रहरी कार्यालय रंगेलीका इन्स्पेक्टर नरेन्द्रकुमार बोगटी नेतृत्वको टोलीले घटनाको थप अनुसन्धान गरिरहेको छ ।
