विराटनगर । मोरङको विराटनगरमा जलाएर युवतीको हत्या गरेको अभियोगमा ६ वर्षपछि प्रतिवादी पक्राउ परेका छन् । प्रहरीले ५५ वर्षीय एसराज लामालाई घटना भएको ६ वर्षपछि पक्राउ गरेको हो ।
विराटनगर महानगरपालिका-१६ स्थितबाट ईशा योगी शेर्पालाई आगोले जलाई मारेको घटनाका फरार प्रतिवादी लामा पक्राउ परेका हुन् ।
शनिबार विशेष सूचनाको आधारमा इलाका प्रहरी कार्यालय रानीबाट खटिएको प्रहरी टोलीले फरार प्रतिवादी लामालाई गाउँघरमा लुकिछिपी बसेको अवस्थामा पक्राउ गरेको हो ।
प्रतिवादी लामाले २०७६ साल बैशाख ८ गते झापा अर्जुनधारा नगरपालिका-११ घर भई विराटनगर-१६ स्थितमा बस्दै आएकी २१ वर्षीया ईशा योगी शेर्पाको शरीरमा पेट्रोल खन्याई आगोले जलाएर फरार भएका थिए ।
घाइते शेर्पाको कीर्तिपुर अस्पतालमा उपचारको क्रममा मृत्यु भएको थियो ।
