विराटनगर । कोशी प्रदेश सरकारका उद्योग, कृषि तथा सहकारीमन्त्री खगेनसिंह हाङगाम सवार गाडी दुर्घटनामा परेको छ ।
हाङगाम सवार प्रदेश १–०४–००१ झ ०१०९ नम्बरको गाडीलाई विराटनगरमा सोमबार साँझ ७ः३० बजेतिर सिटी सफारीले ठक्कर दिएको हो ।
विराटनगर-३ कञ्चनबारीमाउत्तरबाट दक्षिणतर्फ आउँदै गरेको हाङगाम सवार गाडीलाई प्रदेश १–०२–००४ ह ५७६७ नम्बरको सिटी सफारीले ठक्कर दिएको हो ।
उनका अनुसार मन्त्री हाङगाम सवार गाडी कञ्चनबारी चोकमा ‘ट्राफिक रेड लाइट’मा रोकिएको थियो । ‘ट्राफिक लाइट’मा रोकिएर रहेको गाडीलाई सफारीले पछाडिबाट ठक्कर दिएको हो ।
सफारीको ठक्करबाट गाडीको पछाडिको ‘लाइट’ फुटेर सामान्य क्षति पुगेको प्रहरीले जनाएको छ । दुर्घटनामा कुनै मानवीय क्षति भने भएन । घटनाको जानकारी पाउनसाथ प्रहरी चौकी बरगाछीबाट असई भोलानाथ वाग्ले नेतृत्वको टोली घटनास्थल पुगेको थियो ।
वाग्ले नेतृत्वको टोलीले सफारी चालक विराटनगर–३ का ४५ वर्षीय गणेश दाहाललाई नियन्त्रणमा लिएको छ । सफारी चालकको लापरबाहीले दुर्घटना भएको र थप अनुसन्धान अघि बढाइएको प्रहरीले जनाएको छ ।
