विराटनगर । सहोदर बहिनीमाथि जबर्जस्ती करणी गरेको दाजु पक्राउ परेका छन् ।
यो घटना काभ्रेको बनेपाको हो । १४ वर्षीया आफ्नी बहिनी बलात्कार गरेको आरोपमा बनेपा प्रहरीले २० वर्षीय दाजुलाई पक्राउ गरेको छ ।
पीडित बालिकालाई उनले अन्तिम पटक पुस ४ गते बलात्कार गरेको भनी पीडित बालिकाकी आमाले मंगलबार इलाका प्रहरी कार्यालय बनेपामा उजुरी दिएकी थिइन् ।
प्रहरीले उनलाई मंगलबार नियन्त्रणमा लिएको हो ।
पीडित बलिकाको स्वास्थ्य परीक्षण मंगलबार धुलिखेल अस्पतालमा गरिएको थियो । पीडितको गर्भमा २८ हप्ताको बच्चा रहेको स्वास्थ्य परीक्षण प्रतिवेदनमा उल्लेख छ ।
आरोपितलाई हिरासतमा राखी अनुसन्धान गरिरहेको इलाका प्रहरी कार्यालय बनेपाका डिएसपी ज्ञानबहादुर खड्काले बताए ।
