विराटनगर । नेपाली कांग्रेसले युवा नेता प्रविण जोशीलाई मोरङ निर्वाचन क्षेत्र नम्बर ६ (ख) प्रदेशसभाको कोषाध्यक्षमा मनोनयन गरेको छ ।
कांग्रेस मोरङ क्षेत्र नं. ६ (ख) प्रदेशसभाका सभापति मधुबाबु तिवारी र सचिव माधव राजभण्डारी (बिमल) ले विज्ञप्ति जारी गरेर जोशीलाई कोषाध्यक्षमा मनोनयन गरेको जानकारी गराएको हो ।
कांग्रेसको विधान १० को उपदफा (७) बमोजिम जोशीलाई कोषाध्यक्षमा मनोनयन गरिएको सभापति तिवारी र सचिव राजभण्डारीद्वारा हस्ताक्षरित विज्ञप्तिमा उल्लेख छ ।
गिरिजाप्रसाद कोइराला फाउन्डेसन विराटनगरका अध्यक्ष जोशी भन्सार एजेन्ट महासंघ नेपालका केन्द्रीय सचिव र नेपाल उद्योग वाणिज्य महासंघ कोशी प्रदेश समितिको भन्सार संयोजकको रूपमा कार्यरत रहेका छन् ।
जोशी नेपाली कांग्रेस विराटनगर महानगर समितिका उपाध्यक्ष, नेपाल तरुण दल विराटनगर महानगर समितिका सचिव हुँदै अध्यक्ष पदमा बसेर काम गरिसकेका छन् ।
