विराटनगर । नेपालस्थित अमेरिकी दूतावासले अमेरिकी दूतावास युवा परिषद्को २०२५ समूहका लागि आवेदन खुल्ला गरेको घोषणा गरेको छ ।
अमेरिकी दूतावास युवा परिषद्का लागि अन्तिम म्याद पुस ३ गतेसम्म तोकिएको छ ।
अमेरिकी दूतावास युवा परिषद् नेपालस्थित अमेरिकी दूतावासको विकास र व्यक्तिमा नीहित सम्भावित दक्षताको विकास गर्ने कार्यक्रम हो ।
यसले परिषद्का सदस्यहरुलाई आफ्नो समुदायहरूमा रहेका मुद्दाहरूलाई समाधान गर्न उनीहरूको नेतृत्व क्षमतामा विकास गरेर मद्दत गर्दछ ।
सदस्य रहेको अवधिसम्म, परिषद्का सदस्यहरू समाजका विभिन्न सञ्जालहरूअन्तर्गत रहेर विभिन्न किसिमका काम गर्ने अवसरहरूमा संलग्न हुनेछन् ।
सामुदायिक परियोजनाहरूमा योगदान गर्नुका साथै मुख्य रणनीतिक कार्यक्रमहरूमा भाग लिनेछन् ।
१३ वर्षको विरासत बोकेको र ६५० भन्दा बढी सदस्यहरू समाविष्ट रहेको युवा परिषद्को एलुम्नी समुदायले विभिन्न सामुदायिक परियोजनामार्फत सकारात्मक परिवर्तनतर्फ महत्वपूर्ण योगदान गरेको छ ।
युवा परिषद्को कार्यक्रम नेपाली युवा र दूतावासबीच अर्थपूर्ण संवादलाई अगाडि बढाउन दत्तचित्त छ ।
यसको उद्देश्य नेपाली युवाहरूले सामना गर्ने चुनौतीहरूको पहिचान र सम्बोधन गर्नुका साथै समुदायले गरेका पहलहरू र नागरिक समाजमा हुने विभिन्न खालका क्रियाकलापमा बढी भन्दा बढी संलग्न हुनको लागि प्रोत्साहित गर्नु हो ।
युथ इनोभेशन ल्याबको व्यवस्थापन अन्तर्गत युवा परिषद्ले नेपालको सामाजिक, धार्मिक, सांस्कृतिक, भौगोलिक, र जातीय विविधता सहितको पृष्ठभूमिको प्रतिनिधित्व गर्ने पारदर्शिपूर्ण प्रक्रियामार्फत छानिएका २० देखि ३० वर्ष उमेरका ५० देखि ५५ नेपाली युवाहरूको समूहलाई एकै ठाउँमा ल्याउन सक्रिय रूपमा काम गरिरहेको छ ।
युवा परिषद् २०२५ ले विद्यार्थी, पेशागत व्यवसायी, विशेषज्ञहरू, समाज र पेशागत समूहका प्रभावशाली नेताहरू, पेशागत युवाहरू, राजनीतिज्ञहरू, विद्धानहरू, अभियन्ताहरू र आफ्नो समुदायमा सक्रिय रूपमा कार्यरत व्यक्तिहरू र समाजमा महत्वपूर्ण तथा अर्थपूर्ण प्रभाव पार्न सक्ने वा चाहने युवाहरूलाई भाग लिनको लागि स्वागत गर्दछ ।
युवा परिषद्ले LGBTQI+, सीमान्तकृत समुदायहरू, अपांगता भएका व्यक्तिहरू, र धार्मिक तथा जातीय अल्पसंख्यक समुदायहरूका व्यक्तिहरूलाई आवेदन दिन प्रोत्साहन गर्दछ ।
वेबसाइट https://usycn.org/ मा गएर आवेदन फर्म भरि आवेदन दिन सकिने छ ।
