प्रतिकात्मक फोटो झापा । झापा बुद्धशान्ति गाँउपालिकामा आइतबार साँझ भएको दुर्घटनामा दुई जना घाइते भएका छन् ।
हिजो साँझ ७:४० बजेतिर बुद्धशान्ति-३ डाँडाटोलमा बुधबारेबाट डाँडा टोलतर्फ जाँदै गरेको प्र.१-०१-००१ त. ९१६४ नम्बरको ट्याक्टर र विपरीत दिशाबाट आउँदै गरेको मे.१ ह. ५२२७ नम्वरको अटो एक-आपसमा ठक्कर खाएका थिए ।
जसमा अटो चालक स्थानीय ६० वर्षीय कुलप्रसाद पौडेल घाइते भएका छन् । सामान्य घाइते उनको सिटी अस्पताल बुधबारे झापामा उपचार भइरहेको छ ।
अटोमै सवार विदेशी पर्यटक देश स्विट्जरल्याण्ड घर भएकी २७ वर्षीय लिना ओर्टल पनि घाइते छिन् । उनको बिएन्डसी अस्पताल बिर्तामोडमा उपचार भइरहेको छ ।
लिनाको बाँया हात र खुट्टामा चोट लागेको छ । सोही अटोमा सवार लिनाका गाइड काठमाडौंको टोखा नगरपालिका-९ बस्ने ५३ वर्षीय बाल गुरुङ सकुसल छन् ।
उनी उपचारमा संलग्न रहेको प्रहरीले जनाएको छ ।
प्रहरीले ट्याक्टर चालक स्थानीय ३० वर्षीय सुमन भण्डारीलाई नियन्त्रणमा लिई अनुसन्धान थालेको छ ।
