विराटनगर । हाल विराटनगर महानगरपालिसहित देशका अधिकांश स्थानमा मेघगर्जन र चट्याङसहित हल्कादेखि मध्यम वर्षा भइरहेको छ ।
वर्षाका कारण विराटनगरको जनजीवन प्रभावित भएको छ ।
नेपालमा मनसुनी वायु कायमै रहेका बेला बंगालको खाडीबाट जलवाष्पयुक्त वायु नेपाल प्रवेश गरेपछि त्यसैको प्रभावले देशका अधिकांश स्थानमा पछिल्लो २४ घण्टादेखि वर्षा भइरहेको छ ।
अविरल वर्षाले नदी तथा खोलाहरूमा बहाव बढेपछि डुबान हुनसक्ने सम्भावित क्षेत्रमा सतर्कता अपनाइएको छ ।
जल तथा मौसम विज्ञान विभागले अबको तीन दिन देशभर भारी वर्षा हुने जनाएको छ ।
महाशाखाले मध्यम, उच्च र अति उच्च जोखिमपूर्ण नदीहरूको सूची सार्वजनिक गर्दै आगामी तीन दिन मौसम बदली भई ठाउँठाउँमा भारी र उच्च भारी वर्षा हुने जनाएको छ ।
वर्षाका कारण नदीहरूको जल सतह बढ्न सक्ने जानकारी महाशाखाले दिएको छ ।
