विराटनगर । दुई दिन अघिदेखि भइरहेको वर्षासँगै ठाउँठाउँमा पहिरो र ढिस्का लड्नुका साथै खोला खोल्सामा बाढीको जोखिम बढेपछि पाँचथरको मिक्लाजुङ गाउँपालिकाले स्कुल बिदा दिएको छ ।
निरन्तरको वर्षासँगै बाढी पहिरोको जोखिम बढेपछि गाउँपालिकाले असोज ११ गते शुक्रबार पालिकाका स्कुल बिदा दिएको हो ।
गाउँपालिका अध्यक्ष अमरराज माखिमले सार्वजनिक सूचना जारी गर्दै गाउँपालिकाका सडक अवरुद्ध भएकाले बालबालिका स्कुल आउँदा जाँदा जोखिम बढ्ने भन्दै बिदा दिने जानकारी गराए ।
मिक्लाजुङ गाउँपालिकामा तीन वर्ष अघि कात्तिक १ देखि ३ गतेसम्म परेको अविरल झरीका कारण २९ जनाको ज्यान जानका साथै सयौँ घर भत्केका थिए ।
