विराटनगर । आयोजक फ्रान्सलाई पराजित गर्दै स्पेनले पेरिस ओलम्पिकअन्तर्गत पुरुष फुटबलमा स्वर्ण जितेको छ ।
पार्क डे प्रिन्सेसमा शुक्रबार राति भएको फाइनलमा स्पेनले फ्रान्समाथि ५–३ को जितसहित स्वर्ण जितेको हो ।
स्पेनको जितमा फर्मपन लोपेज र सर्जियो क्यामेलोले समान दुई तथा एलेक्सन बेनाले एक गोल गरे ।
फ्रान्सका एन्जो मिलोट, म्याग्नेस अक्लिउचे र जीन –फिलिप माटेटाले गोल फर्काए ।
निर्धारित ९० मिनेटको खेल ३-३ को बराबरीमा सकिएको थियो । त्यसपछि थपिएको ३० मिनेटको अतिरिक्त समयमा २ गोल गर्दै स्पेन विजयी भयो ।
