विराटनगर । मोरङमा फर्निचर उद्योग तथा फर्निसिङ व्यावसायी संघको समिति गठन भएको छ ।
शनिबार नेपाल घरेलु तथा साना उद्योग महासंघ मोरङको सभाहलमा जिल्लाभरिबाट प्रतिनिधि फर्निचर उद्यमीहरूको भेलाले मोरङ फर्निचर उद्योग तथा फर्निसिङ व्यावसायी संघको तदर्थ समिति गठन गरेको हो ।
फर्निचर तथा फर्निसिङ व्यवसायीहरूकाे भेलाले सीताराम पाण्डेको संयाेजकत्वमा तदर्थ समितिको गठन भएको हो ।
समितिमा अशाेक शर्मा सह-संयाेजक, शेखरनाथ दाहाल सचिव, टुनटुन शर्मा काेषाध्यक्ष रहेका छन् ।
सदस्यहरूमा घनश्याम शर्मा, राजु बस्नेत, बद्री बस्नेत,चेतन दाहाल, निलम राय रहनेगरी नौ सदस्यीय तदर्थ समिति चयन भएको साना उद्योग महासंघ मोरङका सहसचिव गणेशकुमार साहले जानकारी दिए ।
आगामि ६ महिनाभित्र जिल्लाभरका सम्पूर्ण फर्निचर तथा फर्निसिङ व्यावसायीहरूलाई भेला गरी अधिवेशन गर्ने पनि जनाइएको छ ।
