विराटनगर । मोरङको सुन्दरहरैंचा नगरपालिकामा स्कुल बसको ठक्करबाट चार वर्षीय बालक घाइते भएका छन् ।
मंगलबार ५:३० बजेतिर सुन्दरहरैंचा-७ गोठगाउँमा भएको दुर्घटनामा स्थानीय सन्तोष राईका छोरा चार वर्षीय सिंहराज राई घाइते भएका हुन् ।
स्कुलबाट घर फर्कने क्रममा उनलाई नेसनल एकेडेमी बिर्डिङ स्कुल सलकपुरको प्र १-०२-००२ च ६२१३ नम्बरको भेनले ठक्कर दिएको थियो ।
बसको ठक्करबाट उनको निधारमा चोट लागेको छ । उनलाई उपचारका लागि न्युरो अस्पतालमा विराटनगर ल्याइएको प्रहरीले जनाएको छ ।
सुन्दरहरैंचा-८ सलकपुरका ४३ वर्षीय कृष्ण साहलाई प्रहरी चौकी गछियाले नियन्त्रणमा लिएको छ ।
चालकको लापरवाहीले गर्दा दुर्घटना भएको प्रहरीको प्रारम्भिक अनुसन्धानले देखाएको छ ।
