झापा । झापाको गौरादह नगरपालिका-१ का दुई बालक चिठी लेखेर सम्पर्कविहीन बनेका छन् ।
गौरादह-१ बेलडाँगी चोकका भुपेन खड्काका दुई नाबालक छोराहरू आज बिहान १० बजेदेखि बेपत्ता बनेका हुन् ।
१४ वर्षीय खगेन्द्र खड्का र देव खड्का दाजुभाइ बेपत्ता भएपछि परिवारले खोजीका लागि आग्रह गरेका छन् ।
उनीहरू गौरादह-१ सीतापुरीस्थित मोति माध्यमिक विद्यालयमा कक्षा ८ मा पढ्दै आएका छन् ।
खैरो पेन्ट, कोठे सर्ट अनि कपडाको पान्डा जुत्ता लगाएका उनीहरूले चिठी लेखेर बेपत्ता भएको पारिवारिक स्रोतले जनाएको छ ।
उनीहरूले बुबा-आमा र दिदीलाई ‘हाम्रो चिन्ता नलिनू, हामीलाई नखोज्नू, हामी गौरिगन्ज जान्छाैं भनेर एउटा चिठीसमेत लेखेर सिरानीमुनि राखेका थिए ।
तर, अहिलेसम्म आफन्त-छरछिमेक सबैतिर खोजखबर गर्दासमेत नभेटिएको परिवारजनले आग्रह गरेको छ ।
बालकहरू भेटिएमा बुबा भूपेन खड्कालाई ९८१४९०४७२३ मा सम्पर्क गरिदिन परिवारले आग्रह गरेको छ ।
